ڈل ووت حقہ بل، کتھہ کتٲلۍ سٲری، ژکۍدر نہ کانہہ
خبر چھیہ یہ زِ جھیل ڈل تہ باقی تریہ جھیل نییہ
ریاستی ہایی کورٹن پننس تحویلس منز۔ امچ کیازِ پییہ ضرورتھ ؟ اتھ چھہِ واریاہ
وجوہات۔ مختصر پٲٹھۍہیکو یہ ونِتھ زِ ڈل رود ؤری وادو پیٹھہ لُٹان۔ یہ لُٹوو
پننیو یمن منز ہر کانہہ عام شہری پیٹھہ بیروکریٹ تہ تٲجر شامل چھہِ۔ یمِس
دگ ٲس سہ اوس کریکہ دوان اماپوٚز بوزنس اوسس نہ کانہہ۔ دپان ییلہ سرۍ پیٹھۍ
سہلاب گژھان چھہ تیلہِ چھہ کانہہ نتہ کانہہ چارہ سپدٲنی۔
ایشاہس منز مشہور جھیلن منز اکھ جھیل ڈل یُس سیاحت کس عالمی نقشس پیٹھ وۅپر چھنہ، اوس اکھ ہتھ تہ کاہ (۱۱۱) مربع کلومیٹر رقبس پیٹھ پھہلِتھ یُس ژمان ژمان از صرف ساڈ ۶۲کلومیٹر رودمت چھہ تہ یمن منز صرف ۸۱کلومیٹر رقبہ زیر آب چھہ۔
جھیل ڈل ژۅمنس چھہِ کینہہ وجہ یمن منز اکھ بوٚڈ بارہ وجہ چھہ وۅٹہ سیاست۔ یوٚدوے جھیل ڈل کٮن زوٮن منز روزن والٮن ہندِ خٲطرہ متبادل جاے آیہ دِنہ اماپوٚز پونسہ ٹونکۍ رٹِتھ تہِ ترٲو نہ تمو سیاستس منز اثر رسوخ تھاون والٮن ہندس پِٹھس پیٹھ ڈلچ زمین۔ غیر قانونی طور مکانہ تہ ہوٹل بناونس سیتۍ سیتۍ ترٲوۍ تمو ڈلس راد تہِ یمہ سیتۍ ڈلُک واریاہ بوٚڈ حصہ پُرنہ آو۔یمن زوٮن منز روزن وٲلۍ چھہِ لچھن منز تہ یتھ پٲٹھۍ چھہ یہ اکھ بوٚڈ بارہ ووٹ بینک یمہ کنۍ یمن سیتۍ چھیڑنس اوس ہر کانہہ ہراسہ کران۔ مگر ییلہ ڈلچ حالت دۅہ کھوتہ دۅہ پتھے ہیژٕن گژھنۍ، کینہہ غیر سرکٲرۍ رضاکار تنظیمہ درایہ یم ڈل تہ باقی ٲبی وسٲیل بچاونہ خٲطرہ مٲ دانس وتھۍ۔ تھوڑا غیرت انِتھ کوٚر سرکارن1979عیسوی ہس منز ڈل تہ باقی ٲبی وسایل بچاونہ خٲطرہ تہ یمن نظر گزر تھاونہ خٲطرہ اکھ محکمہ قٲیم یتھ ناو پیوڈل ڈیولپمنٹ پروجیکٹ ۔ اتھ تحت نیو 1997 عیسوی ہس منز لیکس اینڈ واٹر ویز ڈیولپمنٹ اتھارٹی پننس تحویلس منز جھیل ڈل، جھیل نگین، جھیل آنچار تہ ۔۔۔۔ امہِ محکمہ ذریعہ آیہ ڈلس پیٹھ اربہ بوٚدُے رۅپیہ خرچ کرنہ۔ اماپوٚز یمچ وۅمید ٲس سۅ آیہ نہ برونہہ کُن۔ ڈل صاف تھٲونہ خٲطرہ آیہ ڈریجنگ مشینہ منگناونہ۔ ڈل کچھ، گاسہ بیترہ نِش صاف تھاونہ خٲطرہ آیہ یمہ مشینہ استعمال کرنہ اماپوٚز یمو مشینو نیو مولہ تلے گاسہ کڈتھ یُس ماہرینن ہندِ مطٲبق ڈل خٲطرہ نقصان دہ چھہ۔ بستی باقی جاین منتقل کرنہ باپت آو معقول معاوضہ ادا کرنہ اماپوٚز پونسہ وصول کرتھ تہِ چھہِ واریاہ خاندان ونہِ تہِ ذوٮن منز بدستور بٔستھ۔
بستی منتقل کرنہ پتہ کیازِ چھہِ نوِ سرہ بستی بسان؟ اتھ تہِ چھہ اکھ وجہ۔ محمد سلطان چھہ اکھ انجنیریُس واریاہس کالس ڈلس پیٹھ کٲم اوس کران ۔ محمد سلطان چھہ ونان زِ سٲرے بستی ڈلہ منزہ منتقل کرنہ خٲطرہ یوت رقم ضرورت آسان چھہ سہ رقم اگر یکوٹہ ییہ ہا واگزار کرنہ تہ سٲرے بستی گژھہِ ہا اکی ساتہ منتقل مگر قسطن منز پونسہ دِنس چھہ یۅہے نقصان زِ مٲلک چاہے ناجٲیز طور آسہ قبضہ کنتھ سہ نیرِ نہ توٚت تام یوٚت تام نہ سٲری پونسہ ین تمس ادا کرنہ۔ؤری واد گزرنہ پتہ چھہِ دوٚیم قسط واگزار سپدنس تام تمۍ تیوت اثر رسوخ استعمال کوٚرمت زِ تمس سیتۍ چھہ نوِ سرہ چکاو دکاو یوان کرنہ۔
سرکٲرۍ ذرایعہن ہند ونن چھہ زِ ازۍکہ وقتہ ییلہ زن ڈلس پیٹھ کاہ شیتھ کرور رۅپین ہند ضرورت چھہ، اماپوٚز یمو منزہ چھہِ صرف تریہ ہتھ کرور رۅپیہ دِنہ یوان۔ یتھہ پٲٹھۍ گژھن یم پونسہ تہِ خرچ مگر مسلہ روزِ مسلہ چہ جایہ۔
لیکس اینڈ واٹر ویز ڈپارٹمنٹ چھ یہ ونِتھ پننۍ اتھہ صاف کرتھ زِ تاحال چھہِ زہ(۲) مربع کلومیٹرن پیٹھ غیر قانونی مکانہ تہ چھپرہ لہراونہ آمتۍ یمہ کنۍ 20 کنال زمین زیر آب یِتھ ڈلک اکھ حصہ ہیوٚک بٔنِتھ۔ اتہِ پیٹھ چھہِ نزدیک جاین یعنی چندہ پور تہ رکھِ آرتھ علاقن منز بییہ کینہہ گرہ بساونچ کوششہ یوان کرنہ یمہ کنۍ بییہ 20 کنال زمین زیر آب گژھتھ ڈلک حصہ بنہِ۔ یمن ہند ونُن چھہ یہ تہِ زِ باقی زمین تہِ ییہِ جلدے خٲلی کرناونہ مگر ولی محمد ڈار چھنہ یہ آسان سمجھان کینہہ۔ سہ چھہ ونان زِ پورہ عالمس منز چھہ صرف کشیر سۅ جاے ییتہِ زمینہِ سیتۍ سیتۍآبس پیٹھ تہِ چھِہ مٲلکانہ حقوق ، حد چھہ یہ زِ آبس تہِ چھیہ تار بندی کرنہ آمژ۔ ولی محمد ڈار چھہ یہ تہِ ونان زِ زیر قبضہ آب تہ زمین قبضہ نِش خٲلی کرُن چھہ سرکار کہ خٲطرہ سیٹھاہ مشکل تکیازِ آب قبضہ نِش آزاد کرنہ خٲطرہ چھہ فی کنال زہ(۲) لچھ تہ زمین فی کنال پانژھ (۵) لچھ رۅپیہ معاوضہ ادا کرُن، تہ 80 کنال زمین تہِ آب بییہ یمن پیٹھ تعمیرات خٲلی کرنہ خٲطرہ گژھِہ ٲنتھہ روٚس رقم آسُن یُس نہ ازۍکٮن حالاتن منز سرکار ہیکہِ نہ ادا کرتھ۔
ڈلچ مۅردہ شکل نظر تل تھٲوِتھ کوٚر ریاستی ہایی کورٹن ڈل ہیتھ باقی زہ جھیل یعنی نگین تہ آنچار جھیل پننس تحویلس منز نِنکھ فیصلہ۔ زہ نفری بینچن دیت سرکارس حکم زِ ڈلچ تہ باقی جھیلن ہند اصلی کاغذات ہیتھ پیش گژھُک حکم ۔ عدالتک یہ رۅخ وچھِتھ چھِہ حکام تھوڈا بہت بانبریمتۍ تہ کینہہ وۅٹہ ژھرانٹہ چھیہ درینٹھۍ گژھان۔ از کل چھِہ لیکس اینڈ واٹر ویز اتھارٹی ہندٮن ذرایعہن ہند ونُن چھہ زِ ڈلس اندۍ پکۍ آیہ 23ساس ہیکٹر زمینچ نشاندہی کرنہ یُس عنقریب ڈلک حصہ بنہِ۔ یہ سوروے علاقہ آو پانژن زونن منز تقسیم کرنہ یمن منز شنکر آچاریہ، برین، داچھۍ گام، دارا تہ ہڈورہ شٲمل چھہِ ۔ یمن منز یِن ساڈ شُراہ لچھ کِکر کُلۍ تہ باقی کُلۍ رُونہ۔ امہِ علاوہ یِن ڈلس منز شٲمل گژھن وٲلۍ نالہ صاف کرنہ ۔ ازکل چھہِ لیکس اینڈ واٹر ویز اتھارٹی نِش زہ ڈریجنگ مشینہ کٲم کران ، آیندہ دۅن ریتن منز یِن بییہ زہ مشینہ منگناونہ۔ امہ علاوہ چھہِ سیوریج پلانٹ تہِ بناونہ آمتۍ یم ڈل ڈیمبس صاف تھاونہ خٲطرہ کٲم کران چھہِ ۔ یہ سٲرے کوشش یوٚدوے زن اکھ اطمینان بخش کتھ چھیہ اماپوٚز ڈلچ یۅسہ اصل صورتحال چھیہ سو چھیہ سیٲسی۔ زہ لچھ لوکھ چھہِ ییتہِ آباد یمن منز ساسہ بدۍ ووٹر شٲمل چھہِ۔ کانہہ تہِ سیاست دان چھنہ یمن سیتۍ بتھۍ لاگے یژھان۔ بجلی کنیکشن، آبہ پایپہ تامتھ آیہ یمن بستین منز واتناونہ صرف ووٹن ہندِ خٲطرہ۔ ڈلچ بدنصیبی چھیہ یہے روزمژ زِ پریتھ دورس منز آیہ ڈل والٮن ہندِ ووٹہ خٲطرہ ڈلچ پوژھ نیلام کرنہ
ایشاہس منز مشہور جھیلن منز اکھ جھیل ڈل یُس سیاحت کس عالمی نقشس پیٹھ وۅپر چھنہ، اوس اکھ ہتھ تہ کاہ (۱۱۱) مربع کلومیٹر رقبس پیٹھ پھہلِتھ یُس ژمان ژمان از صرف ساڈ ۶۲کلومیٹر رودمت چھہ تہ یمن منز صرف ۸۱کلومیٹر رقبہ زیر آب چھہ۔
جھیل ڈل ژۅمنس چھہِ کینہہ وجہ یمن منز اکھ بوٚڈ بارہ وجہ چھہ وۅٹہ سیاست۔ یوٚدوے جھیل ڈل کٮن زوٮن منز روزن والٮن ہندِ خٲطرہ متبادل جاے آیہ دِنہ اماپوٚز پونسہ ٹونکۍ رٹِتھ تہِ ترٲو نہ تمو سیاستس منز اثر رسوخ تھاون والٮن ہندس پِٹھس پیٹھ ڈلچ زمین۔ غیر قانونی طور مکانہ تہ ہوٹل بناونس سیتۍ سیتۍ ترٲوۍ تمو ڈلس راد تہِ یمہ سیتۍ ڈلُک واریاہ بوٚڈ حصہ پُرنہ آو۔یمن زوٮن منز روزن وٲلۍ چھہِ لچھن منز تہ یتھ پٲٹھۍ چھہ یہ اکھ بوٚڈ بارہ ووٹ بینک یمہ کنۍ یمن سیتۍ چھیڑنس اوس ہر کانہہ ہراسہ کران۔ مگر ییلہ ڈلچ حالت دۅہ کھوتہ دۅہ پتھے ہیژٕن گژھنۍ، کینہہ غیر سرکٲرۍ رضاکار تنظیمہ درایہ یم ڈل تہ باقی ٲبی وسٲیل بچاونہ خٲطرہ مٲ دانس وتھۍ۔ تھوڑا غیرت انِتھ کوٚر سرکارن1979عیسوی ہس منز ڈل تہ باقی ٲبی وسایل بچاونہ خٲطرہ تہ یمن نظر گزر تھاونہ خٲطرہ اکھ محکمہ قٲیم یتھ ناو پیوڈل ڈیولپمنٹ پروجیکٹ ۔ اتھ تحت نیو 1997 عیسوی ہس منز لیکس اینڈ واٹر ویز ڈیولپمنٹ اتھارٹی پننس تحویلس منز جھیل ڈل، جھیل نگین، جھیل آنچار تہ ۔۔۔۔ امہِ محکمہ ذریعہ آیہ ڈلس پیٹھ اربہ بوٚدُے رۅپیہ خرچ کرنہ۔ اماپوٚز یمچ وۅمید ٲس سۅ آیہ نہ برونہہ کُن۔ ڈل صاف تھٲونہ خٲطرہ آیہ ڈریجنگ مشینہ منگناونہ۔ ڈل کچھ، گاسہ بیترہ نِش صاف تھاونہ خٲطرہ آیہ یمہ مشینہ استعمال کرنہ اماپوٚز یمو مشینو نیو مولہ تلے گاسہ کڈتھ یُس ماہرینن ہندِ مطٲبق ڈل خٲطرہ نقصان دہ چھہ۔ بستی باقی جاین منتقل کرنہ باپت آو معقول معاوضہ ادا کرنہ اماپوٚز پونسہ وصول کرتھ تہِ چھہِ واریاہ خاندان ونہِ تہِ ذوٮن منز بدستور بٔستھ۔
بستی منتقل کرنہ پتہ کیازِ چھہِ نوِ سرہ بستی بسان؟ اتھ تہِ چھہ اکھ وجہ۔ محمد سلطان چھہ اکھ انجنیریُس واریاہس کالس ڈلس پیٹھ کٲم اوس کران ۔ محمد سلطان چھہ ونان زِ سٲرے بستی ڈلہ منزہ منتقل کرنہ خٲطرہ یوت رقم ضرورت آسان چھہ سہ رقم اگر یکوٹہ ییہ ہا واگزار کرنہ تہ سٲرے بستی گژھہِ ہا اکی ساتہ منتقل مگر قسطن منز پونسہ دِنس چھہ یۅہے نقصان زِ مٲلک چاہے ناجٲیز طور آسہ قبضہ کنتھ سہ نیرِ نہ توٚت تام یوٚت تام نہ سٲری پونسہ ین تمس ادا کرنہ۔ؤری واد گزرنہ پتہ چھہِ دوٚیم قسط واگزار سپدنس تام تمۍ تیوت اثر رسوخ استعمال کوٚرمت زِ تمس سیتۍ چھہ نوِ سرہ چکاو دکاو یوان کرنہ۔
سرکٲرۍ ذرایعہن ہند ونن چھہ زِ ازۍکہ وقتہ ییلہ زن ڈلس پیٹھ کاہ شیتھ کرور رۅپین ہند ضرورت چھہ، اماپوٚز یمو منزہ چھہِ صرف تریہ ہتھ کرور رۅپیہ دِنہ یوان۔ یتھہ پٲٹھۍ گژھن یم پونسہ تہِ خرچ مگر مسلہ روزِ مسلہ چہ جایہ۔
لیکس اینڈ واٹر ویز ڈپارٹمنٹ چھ یہ ونِتھ پننۍ اتھہ صاف کرتھ زِ تاحال چھہِ زہ(۲) مربع کلومیٹرن پیٹھ غیر قانونی مکانہ تہ چھپرہ لہراونہ آمتۍ یمہ کنۍ 20 کنال زمین زیر آب یِتھ ڈلک اکھ حصہ ہیوٚک بٔنِتھ۔ اتہِ پیٹھ چھہِ نزدیک جاین یعنی چندہ پور تہ رکھِ آرتھ علاقن منز بییہ کینہہ گرہ بساونچ کوششہ یوان کرنہ یمہ کنۍ بییہ 20 کنال زمین زیر آب گژھتھ ڈلک حصہ بنہِ۔ یمن ہند ونُن چھہ یہ تہِ زِ باقی زمین تہِ ییہِ جلدے خٲلی کرناونہ مگر ولی محمد ڈار چھنہ یہ آسان سمجھان کینہہ۔ سہ چھہ ونان زِ پورہ عالمس منز چھہ صرف کشیر سۅ جاے ییتہِ زمینہِ سیتۍ سیتۍآبس پیٹھ تہِ چھِہ مٲلکانہ حقوق ، حد چھہ یہ زِ آبس تہِ چھیہ تار بندی کرنہ آمژ۔ ولی محمد ڈار چھہ یہ تہِ ونان زِ زیر قبضہ آب تہ زمین قبضہ نِش خٲلی کرُن چھہ سرکار کہ خٲطرہ سیٹھاہ مشکل تکیازِ آب قبضہ نِش آزاد کرنہ خٲطرہ چھہ فی کنال زہ(۲) لچھ تہ زمین فی کنال پانژھ (۵) لچھ رۅپیہ معاوضہ ادا کرُن، تہ 80 کنال زمین تہِ آب بییہ یمن پیٹھ تعمیرات خٲلی کرنہ خٲطرہ گژھِہ ٲنتھہ روٚس رقم آسُن یُس نہ ازۍکٮن حالاتن منز سرکار ہیکہِ نہ ادا کرتھ۔
ڈلچ مۅردہ شکل نظر تل تھٲوِتھ کوٚر ریاستی ہایی کورٹن ڈل ہیتھ باقی زہ جھیل یعنی نگین تہ آنچار جھیل پننس تحویلس منز نِنکھ فیصلہ۔ زہ نفری بینچن دیت سرکارس حکم زِ ڈلچ تہ باقی جھیلن ہند اصلی کاغذات ہیتھ پیش گژھُک حکم ۔ عدالتک یہ رۅخ وچھِتھ چھِہ حکام تھوڈا بہت بانبریمتۍ تہ کینہہ وۅٹہ ژھرانٹہ چھیہ درینٹھۍ گژھان۔ از کل چھِہ لیکس اینڈ واٹر ویز اتھارٹی ہندٮن ذرایعہن ہند ونُن چھہ زِ ڈلس اندۍ پکۍ آیہ 23ساس ہیکٹر زمینچ نشاندہی کرنہ یُس عنقریب ڈلک حصہ بنہِ۔ یہ سوروے علاقہ آو پانژن زونن منز تقسیم کرنہ یمن منز شنکر آچاریہ، برین، داچھۍ گام، دارا تہ ہڈورہ شٲمل چھہِ ۔ یمن منز یِن ساڈ شُراہ لچھ کِکر کُلۍ تہ باقی کُلۍ رُونہ۔ امہِ علاوہ یِن ڈلس منز شٲمل گژھن وٲلۍ نالہ صاف کرنہ ۔ ازکل چھہِ لیکس اینڈ واٹر ویز اتھارٹی نِش زہ ڈریجنگ مشینہ کٲم کران ، آیندہ دۅن ریتن منز یِن بییہ زہ مشینہ منگناونہ۔ امہ علاوہ چھہِ سیوریج پلانٹ تہِ بناونہ آمتۍ یم ڈل ڈیمبس صاف تھاونہ خٲطرہ کٲم کران چھہِ ۔ یہ سٲرے کوشش یوٚدوے زن اکھ اطمینان بخش کتھ چھیہ اماپوٚز ڈلچ یۅسہ اصل صورتحال چھیہ سو چھیہ سیٲسی۔ زہ لچھ لوکھ چھہِ ییتہِ آباد یمن منز ساسہ بدۍ ووٹر شٲمل چھہِ۔ کانہہ تہِ سیاست دان چھنہ یمن سیتۍ بتھۍ لاگے یژھان۔ بجلی کنیکشن، آبہ پایپہ تامتھ آیہ یمن بستین منز واتناونہ صرف ووٹن ہندِ خٲطرہ۔ ڈلچ بدنصیبی چھیہ یہے روزمژ زِ پریتھ دورس منز آیہ ڈل والٮن ہندِ ووٹہ خٲطرہ ڈلچ پوژھ نیلام کرنہ